ماتش الجيش عنق زجاجه وماتش انبى غطا كزوزه .....

NabiloOoOoO كتب:

الزمالك (نادى قصر النيل والمختلط سابقا) !!!!

نادى الزمالك أحد القلاع الرياضية الراسخة ليس في مصر وحدها لكن في
البلدان العربية و الافريقيه .. ولا نبالغ إذا قلنا انه يحمل تاريخا عريقا
وعريض يضارع به أندية أوربا والعالم .....
طبعا الكلام المستهلك ده والمقدمه اللى ملهاش اي لزمه ده اللى لازم تجدها
فى اى مقاله كبيره لأى كاتب كبير ما هى الا تفكير الناس بس بنادى الزمالك
اللى الناس خلاص قربت تنسى تاريخه وتنسى انه فعلا كان احد أقطاب الكره
المصريه بانجازاته داخل وخارج مصر هتقولى كان مش فيها مبالغه شويه هقولك
لأ فين المبالغه لما فى 4 سنين مجبتش غير بطوله واحده لما فى 4 سنين كسبت
الأهلى مره واحده وكان بيلعب بالصف التانى لما تطلع من دورى المجموعات
محتلا المركز الأخير وبكل جداره لما تفتقد لى الكوره الحلوه وروح الفانله
لما تفتقد لى الرجوله والانتماء وكل تفكيرك هو المال والسلطه لما اللعيبه
تضرب بعض فى الملعب قدام كل الناس كده يبقى خليت ايه لى باقى الفرق يا
راجل ده انت محصلتش فريق درجه تانيه ده انت افتقدت لى ابسط مبادئ الكوره
وهى احترامك لى زميلك فى الملعب هتقولى عصبية ملعب متوصلش لى كده ابدا ده
مبقتش كوره يا كابتن ....

الزمالك دلوقتى محدش بقى عارفلوا حاجه يوم تحت ويوم فوق بقى عامل زى انبى
والمصرى ومزارع دينا الفرق اللى يوم تكسب 4 ويصرفلهم مكفات وزى ما يكونوا
خدو الدورى وتانى ماتش تشيل 4 هو ده العادى بتاع كل فرق الدورى المصرى بس
مش عادى لفرقه فى حجم الزمالك .......
هو احنا المفروض نفرح لما نكسب ماتش ولا اتنين ورا بعض ......!!!!
ويتطلع
علينا رئيس النادى بتصريحات مستفذه قبل كل ماتش يقولك ماتش الجيش عنق
زجاجه وماتش انبى غطا كزوزه وكلام محدش فهملوا معنى او مغزى
انت رئيس نادى بتوفر كل انواع الاستقرار لى الفريق هى ده مهمتك الأساسيه
حد سمع حسن حمدى قبل طلع يكلم عن فريق الكوره ولا تدخل فى عمل الداهيه
جوزيه ؟؟....
الأهلى منظومه كل واحد عارف شغله كويس عارف مرتبه ده
بياخده على ايه عارف هو شغااااال فين خلى بالك كويس عارف هو شغال فين ده
فى النادى الأهلى يعنى صاحب اكبر قاعده جماهيريه فى الوطن العربى ... على
النقيض تماما تجده فى الزمالك مع ان الفرق بينهم ميجبش 10 كيلو لكن تجد
شتان الفارق قبل ان تتخطى ال 10 كيلو مترات تجد قلعه رياضيه شامخه على
الجانب الأخر وكانك تخطيت الحدود وعاد بك الزمن 50 سنه للوراء تجد نادى
الزمالك او مبقاش نادى بقى سور مهدود وكأنه بقايا حرب أو بقايا عدوان
ويملئ المكان البلطجيه وعربات الأمن المركزى لولا وجود يفطه مكتوب عليها
نادى الزمالك لكنت اعتقد انه مركز شباب الحبانيه ...
هل هذا هو نادى الزمالك هل هذا هو النادى الذى طالما زحفت وراءه مؤيدا له هل هذا هو مكانه كأحد قطبى الكره سابقا .....؟؟؟؟
هل
اصبح اكبر طموح لنا هو التعادل مع الأهلى او تقديم امامه مباره جيده لم
يحدث على مر التاريخ ان يأتى جيل ينتظر التعادل لى يفرح ويكون هو اقصى
طموحه وبالأرقام من 4 سنين فقط كان الأهلى متفوق على الزمالك فى اللقائات
بفرق 5ماتشات فقط فى بطوله الدورى ولكن هذا الجيل جعل الفارق يتسع وربما
لم ولن يتقارب بهذه الصوره مره اخرى وتدريجيا، لم يعد الزمالك كبيرا، ولم يعد لاعبوه كبارا،
ولم تعد أحلام جماهيره كبيرة أيضا، فمنهم من رضى بوضعه الحالي ومنهم من
هجر الكرة تمام...
هذا الجيل جعل من المشجع الزمالكاوى بهلوانا يضحك عليه ويسخر منه الجميع وكأنك من كوكب اخر

ورغم كل هذا تذهب الجماهير وتملئ الاستاد وكلها امل وتفائل غير عادى فى
الفوز دائما ليس غريب عليها كما يظن البعض انها اعتادت على ذلك انها الجماهير التى ملئت المدرجات يوم الفوز على
الترجى والرجاء المغربى ولا ننسى يوم فوز الزمالك على الصفاقسى فى تونس
3/1واذا بجماهير تونس وللمره الأولى تصفق للاعبى الزمالك
.... هذه الجماهير الوافيه التى لم تبخل يوما واحدا على ناديها هل هذا هو
جزاءها هل جزائها الخساره والفضيحه كل ماتش ؟؟؟؟ ايه الحل طيب عايز اسمع ارائكم اهلاويه وزمالكويه ومن غير تعصب يا ريت وانا هكتب رأيى واسمع منقشتكوا فيه بردوا.....

1-المدرب هولمان بيطبق خطه لم يعتاد عليها اى لاعب مصرى وهى الاعتماد اعتماد كلى على الهجوم من الاجناب مع الاعتماد على رأس حربه وحيد
هذه الخطه فى من المستحيل تطبيها بطريقه 3/6/1
لازم تكون طريقه اللعب 4/4/2 وهى طريقه لم يعتاد عليها الاعب المصرى ايضا وثبت نجاح طريقه 3/5/2 اللى الكابتن معتز معترض عليها مع منتخب مصر ومع الأهلى ....
والمدرب رافض تماما تغير طريقه اللعب غير انه من ساعة ما تولى تدريب الزمالك مشوفناش جمله متفق عليها تقول المدرب عامل فيها شغل انا غير انه كان خالى شغل وقاعد على الفيروز اللى عندهم فى المانيا مش ماسك فريق وده دليل على انه خلاص اخره الفيروز بتاعت حلوان كمان

الاعبيين:
1 عبد الواحد الدفاع هى اللى موقعه اووى ولو الدفاع كويس هنشوف حاجه تانيه خالص منه
2- هانى سعيد لو مش عايز تلعب للزمالك امشى مش عايزينك وجودك زى عدمه
3-الصفتى رائع ناقصه الهدوء شويه
4- فتح الله كنت احسن من كده فى المحله يا ريت ترجع تانى
5-العابدى اخطأه قاتله بس انا شايف يجى منه بيلعب برجوله
6-اسامه حسن متشكرين يا ريس على رأى الكابتن معتز
7-احمد غانم نوديه اعاره ممكن يجى منه
8-محمد ابراهيم لسه صغير حماسى اوى بس ميلعبش فى الزمالك دلوقتى خالص
9-احمد مجدى مكنك الدكه جوكر ممكن نحتاجه بس ميلعبش اساسى ابدا
10- ابو العلا مع السلامه والقلب بيدعى عليك ربنا ينتفم منك يا شيخ
11-ايمن عبد العزيز تركيا عايزاك احمد حسن بهدلك بصراحه
12-حمزه يا تبقى راجل يا مع السلامه
13- اجوجو رقم 13 رد علييك
14-مصطفى حعفر ركز هتبقى كويس اووى
15- اوسه لقاء محتجالك كفايه كده عليك
16-ريكاردوا شغااال
17-محمود سمير ومحمد عبدالله نفس اللعب فرديه زياده
18-شريف اشرف نوديه اعاره بردو


اتمنى اول مقال اكتبه يكون عجبكوا ....

بس انت نسيت الجماهير يا نبيل
صحيح الجماهير بتروح الاستاد وبتشجع فريقها
وعندها انتماء اكتر من اللاعيبه اللى بتاخد فلوس
لكن
الجماهير اللى تهلل لناديها لما يكسب اى ماتش اهبل
الجماهير اللى بتدخل ماتش الاهلى عارفه انها خسرانه
الجماهير اللى تهلل للاعب معندوش اى اخلاق
الجماهير اللى مبقتش تشجع فريقها اد ما بتشجع منافسى الاهلى
الجماهير اللى بتعلق فوز الاهلى على شماعه الحظ والتحكيم
ومبيتفرجوش على لعيبه النادى وهما بيموتو فالملعب عشان يكسبو
ولا لما يجي فيهم جون فى ماتش مهم
الفريق الى قدامهم مهما كان امكانياته بيبى فى نص ملعبه
لعيبه الاهلى لما بتخسر ماتش شوف اللى بيحصل
بيخرجو وكان ميتلهم ميت
اما الزمالك فكلو معتقد ان ده طبيعي
ناديكم ناقصه الروح والروح ده ملهاش مصدر غير الجماهير

yabny el zmalek 3yez faree2 gdeed
la3eeba mt3wdeen 3la le3b ba3d
msh el al3ab el fardeya bta3et el 7omar el kbeeer mohamed abdallah
aw el 3saya el maksora aw el 3adma elly kbret aw 3la ra2y el masal el ...... el t2eela elly msh 2adra tthaz 5als elly howa el basha ayman 3bdell3zeez
aw monsef elly mostawah zay el ac_voltage wala abo el 3elal el baltagy
wala gamal 7amza tefl el anabeeb wala meeen wala meeen
feen faree2 el zmalek elly kan bynafes 3la el dawry l7d a5er el mosem
dlw2ty el ahly ba2a by7sm el dawry abl ma yntehy b or 6 weeks
feeen lma el ahly kan byl3b match enppi w 5sr el dawry 3la far2 1 point w kan el zamalek howa elly a5ado sa3etha
feen el kalam da
el zmalek 3lshan yt3dl me7tag magles edara mo7taram w modareb 3aref emkaneyat el la3eb el masry
nefsy a3rf holman le byl3b bl taree2a de
da lma kan masek el ahly 3mal beeeh a7la sho3'l w kan byl3b bl tree2a el 3adeya
kol da 3lshan 3maleen byrf3o mn as3ar el modarbeeen w 3maleen ya5do floos 3la el fady 3la 2afa el nadyfeeen gamal 7amza el mor3eeeb elly kan mor3eeb mn kam sana
feeeen fat7allah elly kan bybada3 fe kas el 2omam
w tb3n ma3rooof 3n hany sa3eeed eno msh 3yez yl3b fe el zmalek yb2a ml3boosh 3'eeer showaya astafeed mno w 5las msh a5leeh yl3b match kamel 3la el ra3'm mn kodrato el fazee3a
el fareee2 da lazem ythedem w ytbny mn tany
da el 7al el wa7eeed
ya ema y2felo el nady w yfko nafsohom a7sn
w ana shayef da el afdl dlw2ty 3lshan mafeesh wa2t ybno fareee2 mn gdeeeed

الزمالك فيه لاعيبه احسن من الاهلي

ya 3am rooooooooooooooooooooooooooooooooooooooooo7
esbet

NabiloOoOoO كتب:

طبيعى يا رونى فرقه بتخسر بقلها 4 سنين جماهيرها هتهلل بعد اى ماتش يكسبوا وبعدين الجماهير فى الاستاد مش رايحين عشان يحللوا الماتش هما اذا كانوا فرحانين ولا حاجه بس عارفين ان فرقهم لسه وحش والدليل على كده انك قولت اننا بندخل ماتش الأهلى واحنا عارفين اننا خاسرانين يبقى احنا عارفين نفسنا طيب مطلوب من الجماهير تعمل ايه انا مش عارف قولى انت نعمل ايه انا شايف المشكله فى اللعيبه والاداره اكتر منها فى اى حاجه تانيه وفتره الاعداد اللى كل سنه مش بنستفيد بيها ونجيب لعيبه جديده بعدها والسنه اللى فاتت المدرب هرب بعديها مستنى ايه بعد كده اكيد هتخسر وحكايه الحكام والحظ ده انت شوفت ماتش الاولمبى شوفت الكورتين اللى جم فى العرضه ممكن كانوا يجوا جون ونكسب ساعات كتير الحظ بيعندك بس انت تعمل اللى عليك الأول الزمالك بصراحه بحاله ده لو الحظ فى ايد جماهير الزمالك مش هتدهوله الحظ ده حاجه اساسيه فى الكوره محدش يقدر يكلم بس دايما مفيش حظ من غير تعب لما تعمل اللى عليك وتخسر ساعتها ممكن تقول الحظ بقى كان معندك زى ماتشات الاسماعيلى مع الزمالك بظبت الاسماعيلى بيعمل كل حاجه فى الكوره والزمالك هو اللى بيكسب لكن فرقه بتخسر 4 سنين تقولك حظ وتحكيم تبقى لا مؤاخذه ...................

لما فرقه بتخسر بقالها 4 سنين بس بتكسب بقالها 90 سنه
يبقى لسه المكسب شئ طبيعى بالنسبه ليها
والمشكله اللى بحكيلك فيها انت قولتها
انكو فرحانين بفرق زباله ولعيبه زباله
وللاسف مفيش حب بينكو وبين اللعيبه
زى ما الاهلويه كلهم بيموتو فى حاجه اسمها تريكه ولا وائل جمعه ولا بركات
فخليتو اللعيبه زى الموظفين
اما حكايه الكورتين اللى جم فالعرضه فى ماتش الاوليمبى ده بيعكس تغيير اى زمالكاوى
انا طول عمرى اعرف ان الزمالكاويه كان اهم حاجه عندهم الاداء
والمهارات الفرديه
هل ماتش الاوليمبى كان فى اداء عشان ربنا يكرمكو وتتعادلو ولا تكسبو
بالعكس ده كان مستواكو زباله
وعشان تفهمنى اكتر
لو سئلتك اكتر لاعب شوفته منتمى لنادى الزمالك هو مين؟؟؟
اكيد هتقول حازم امام
طب ليه عشان حب الجماهير ومكنش يقدر يفكر يسيب الزمالك ويسيب الحب ده كله
زى ابو تريكه ايه اللى يخليه يروح لمجلس الاداره بنفسه عشان يعمل عقد مدى الحياه ؟؟؟
عشان حبنا ليه والظاهر ليه
وهو ده السبب اللى بيخليه يموت نفسه فالملعب عشان يفرح الجماهير اللى بتديله الحب ده
لكن كتر الشتيمه فاللعيبه ده خلاهم يكرهو النادى بجماهيره ومبقاش في انتماء غير كام كلمه كده قدام الناس
انتو شوفو اللاعيبه اللى تستاهل الحب ده وحبوهم وحسسوهم انهم مش هيلاقو مكان احسن من الزمالك يلعبو فيه
اما اللاعيبه اللى ممنهاش رجا واللعيبه اللى مش عاوزه تلعب عندكو ارموهم
زى هانى سعيد واسامه حسن ومحمد عبد الله وابو العلا ووسام وكتير من اللى قاعد عالدكه
اما اللاعيبه اللى تنفع
فتح الله والصفتى واحمد مجدى
و علاء كمال
وجمال حمزه
وعبد الواحد
وصلو حبكو للعيبه دول
حسسوهم ان مالهومش غيركو
وحسسوهم انهم هيخسر لو سابو النادى
هيتخلق فيهم الانتماء
وميفكروش غير فالمكسب
غير لما لاعب زى جمال حمزه ينزل بيفكر ف 100 حاجه
مدوح قاعد ولا مرتضى جى
ولمامرتضى هيهى همشى ازاى
ولو مجاش دلوقتى اجدد ولا لا
لو اللاعب ده عارف ان فى جماهير بتموت فيه مش هيفك فى كل ده وهو عارف ان مالوش غير الزمالك
وانتو لو زرعتو الحب ده فى 5 او 6 لاعيبه من عندكو
هينتشر فالفريق كله
واى لاعب جديد هيلاقى فى ناس بتحب النادى وبتلعب للفريق
وكمان برده لازم تعملو جو حب زى اللى بين جوزيه والجماهير
بجد جوزيه ده اهلاوى متعصب
حاولو تخلو هولمان زمالكاوى
وبدل ما تفكرو من دلوقتى مين هيجى مكانو حالو تخلوه يحب الزمالك