الاغنيه الشعبيه مع روونى شئ اخر

بسم الله الرحمن الرحيم



اولا وحشتونى
ثانيا ندخل فالموضوع على طول
الواحد اليومين دول بئه يسمع اغانى عجيبه ورغريبه
و اصوات تقرف
تلاقى واحد صوته مسرسع يغنى اغنيه اللى اختشو ماتو
وتلاقى واحده لغايه دلوقتى مش متاكد انها ست شكلها عجيب وصوتها اعجب وللاسف الناس بتسمعلهم
ويقولك ليهم جمهورهم
انا عملت التوبك ده عشان نعرف مع بعض زمان كان مين المطربين الشعبيين
صوتهم كان احسن من المطربين العاطفيين

وكانو بيغنو كلام جميل اوى
لدرجه ان لما تسمعوهم عمركو ما هتتخيلو ان دول شعبيين
والبدايه باغنيه ما بين البر والتانى للفنان الشعبى الكبير اوى محمد قنديل
ابن حى شبرا العظيم

واسيبكم مع كلمات الاغنيه ولو عجبتكم هرفعها




ما بين البر والتانى مع الخلان وواحدانى
اودى واجيب حبيب لحبيب
ومين لحبيبى ودانى ما بين البر والتانى
حكايتى فى الهوا حكايه لغير البحر ما احكيها
ولما يعدو ويايا عن الاحباب اخبيها
اشوفهم نالو امانيهم اقول يا رب تحميهم ولا تشمت عزول فيهم
واروح وارجع بحرمانى
اودى واجيب حبيب لحبيب ومين لحبيبى ودانى
ما بين البر والتانى


امر من الصبر صبرى وانشغالى عليه
واحر من الجمر لما يحن قلبى اليه وفرحه العمر لما تشوف عنيه عنيه
تايه ما بين السما والميه فى غيابه وغريق فى بحر الهوا ما تحوشنى الا ايديه
اودى واجيب حبيب لحبيب ومين لحبيبى ودانى
ما بين البر والتانى