موقفك من الاعتــذار

الاعتذار : هناك نوعان من الاعتذار ، نوع يتطلبه الموقف ، ونوع تفرضه الحالة والحاجة!

محـــــــــاور النقاش

1-هل نعتقد اننا لابد وان نظل مسايرين لما يجري من حولنا من مصاعب خوفا من الوقوع في الخطأ ومن ثم الاعتذار؟
2-الاعتذار كوسيلة او كطريقة محترمه كيف يمكن استغلالها في تقريب وجهات النظر؟
3-ما هي في اعتقادكم المواقف التي يكون الاعتذار فيها مفروضا ولامناص منه ؟
4-ماهي في اعتقادكم المواقف التي يكون الاعتذار فيها جائزا او محببا او لطيفا؟
5-ماهي النتائج المرجوه من وراء الاعتذار؟
6-هل تعتقد ان هناك بعض الامور لا يجدي معها الاعتذار مهما كانت صيغته او طريقته؟ وبالتالي لا داعي منه لان النتيجة ستكون واحده؟

eng.kolopaly كتب:: الاعتذار : هناك نوعان من الاعتذار ، نوع يتطلبه الموقف ، ونوع تفرضه الحالة والحاجة!

محـــــــــاور النقاش

1-هل نعتقد اننا لابد وان نظل مسايرين لما يجري من حولنا من مصاعب خوفا من الوقوع في الخطأ ومن ثم الاعتذار؟
لا يا عم انا اعمل الصح ولو اخطأت مفيش مانع اعتذر بس طبعا مش معنى كده انى اغلط فى الناس و بعد كده اعتذر
2-الاعتذار كوسيلة او كطريقة محترمه كيف يمكن استغلالها في تقريب وجهات النظر؟
هى ممكن تكون وسيله لانك تجذب انتباه الانسان اللى بتكلمه يعنى لو غلط فى حقه لازم تعتذر الاول وبعد كده تبدا تدافع عن نفسك
3-ما هي في اعتقادكم المواقف التي يكون الاعتذار فيها مفروضا ولامناص منه ؟
الاعتذار واجب دايما لما تغلط فى حق انسان حتى لو مزعلش منك
4-ماهي في اعتقادكم المواقف التي يكون الاعتذار فيها جائزا او محببا او لطيفا؟
لما تعتذر لحد عزيز عليك
5-ماهي النتائج المرجوه من وراء الاعتذار؟
لبعض الناس راحه نفسيه خصوصا لو انتهى الاحساس بالنفس اللوامه
6-هل تعتقد ان هناك بعض الامور لا يجدي معها الاعتذار مهما كانت صيغته او طريقته؟ وبالتالي لا داعي منه لان النتيجة ستكون واحده؟
الاعتذار مش هدفه الاسمى انك ترضى الناس اد ما ترضى نفسك

1-لاطبعا مش كل حاجة نسايرها معناها اننا مش هنوقع فى الخطأ ولكن اننا نبقى عرفين الخطأ نفسه ونعمله هو ده الوقوع فى الخطأ والاعتذار مش حاجة وحشة تخلينا نخاف نعملها او نقع فيها بالعكس الاعتذار عند فعل الخطأ بيزود من احترام وحب الناس ليك وعلى رأى رووونى فعلا مش معنى كده انى اغلط فى الناس و بعد كده اعتذر
2-اعتذارك عند الخطأ هيخلى الناس تسمعك وتسمع وجهة نظرك وتحاولوا تقربوا وجهات النظر والعكس صحيح
3-لما تغلط فى حق انسان وتبقى عارف انك غلط فى حقه
4-لما تعتذر لحد بتحبه اوى
5-انك تخلى اللى انت بتحبهم ميكونوش زعلنين منك وتكسب حبهم
6-لو شايف نفسك فعلا مغلطتش ولو اللى غلط فيه انسان غير متسامح ومش هيسامحك ابدا

شكرا علي ردودكو الجميلة يا شباب
يا رب يكون الموضوع عجبكوا

-هل نعتقد اننا لابد وان نظل مسايرين لما يجري من حولنا من مصاعب خوفا من الوقوع في الخطأ ومن ثم الاعتذار؟
لا طبعا انا بعمل دايما الصح مهما كان بس لو حسيت انى غلطانة بقدم اعتذارى للى غلط فيه

2-الاعتذار كوسيلة او كطريقة محترمه كيف يمكن استغلالها في تقريب وجهات النظر؟

اه كتير لان الناس لما تشوف انى اللى غلط بيقدم اعتذاره بيحترموه اكتر وبيبقوا قابلين يسمعوا كلامه لانه لو غلط هيعتذر وطلما اعتذر يبقى هو اصلا مكنش قصده الغلط ده

-ما هي في اعتقادكم المواقف التي يكون الاعتذار فيها مفروضا ولامناص منه
لما تكون غلط فى حق حد جامد اوى او عملت حاجة بدون قصد وضايقة حد منك يبقى لازم تعتذر

4-ماهي في اعتقادكم المواقف التي يكون الاعتذار فيها جائزا او محببا او لطيفا؟
لما تزعل حبيبك

-ماهي النتائج المرجوه من وراء الاعتذار؟
تكسب احترام الناس ليك وحبهم ليك

هل تعتقد ان هناك بعض الامور لا يجدي معها الاعتذار مهما كانت صيغته او طريقته؟ وبالتالي لا داعي منه لان النتيجة ستكون واحده؟
لو الانسان اللى انت بتتعامل معاه بطبعه مش متسامح يبقى ملوش لازمة الاعتذار

ميرسى احمد على الاسئلة ديه وننتظر المزيد

شكرا يا رشا علي ردك الجميل