انا نفسى الدنيا كلها تقرا الموضوع دة

________________السلام عليكم ورحمه الله وبركاته
كنا عايزين ندردش مع بعض شويه حول نقطه مهمه قوى

ليه ربنا بيقدر ان الفتن تعرض علينا ؟؟

نتفق الاول ان أى معصيه تعرض علينا بتكون اختبار من ربنا لينا
هل هكون مومن ولا هتقع

لو انتو متفقين معايا على كده

نخش على النقطه التانيه
وهى

هل ينفع إنى اجيب تلميذ فى اولى ابتدائى واديله امتحان لواحد فى 3 ثانوى واقوله جاوب ولازم تتفوق

طبعا ده كلام ماينفعش ..جميل طيب سؤال تانى

هل ينفع انى اجيب طالب فى 3 ثانوى وهو فى اول يوم دراسه اقوله حل امتحان اخر السنه طبعا برضه ماينفعش

سبحان الله هو احكم الحاكمين
عارف قوتك الايمانيه اد ايه
وعارف انت ايه الاختبارات (المعاصى ) اللى ممكن تعرض عليك فى الفتره ديه
ولو سبق فى علم الله انك غر قادر على مثل هذا الاختبار(المعصيه ) مكانش عرضك لها
علشان كده
لااااااااااااااازم تتاكد ان اى معصيه بتتعرض عليك انت تقدر تواجها
تقدر تواجها
اقسم بالله انت تقدر تواجها بس استعن بالله

اكيد دلوقتى حضرتك بتسال!! طب ليه احنا بنقع فى المعاصى اللى بتعرض علينا !!!!

سؤال وجيه .

والاجابه هو ليه طالب 3 ثانوى بيسقط فى الامتحان مع انه عنده الامكانيات العقليه اللى تمكنه من النجاح زى اصحابه وكمان درس واتعلم زى اصحابه والجواب

هو ان صاحبنا مكانش بيذاكر كويس كان دايما بيلعب
مكانش بيتصل بالاستاذ
وبيطلب من الاستاذ المساعده
كان بعيد عن الاستاذ
علشان كده الاستاذ بعد عنه يوم الامتحان

اكيد فهمتوا انا قصدى ايه

ولله المثل الاعلى( الله )هو المدرس( والانسان) هوه الطالب والامتحان هوه( المعصيه ) الانسان لما مبيكونش فيه صله قويه بينه وبين ربنا ممكن ربنا يتخلى عنك

علشان كده لازم نخلى فى حبل متييييين بينا وبين ربنا وهو الذكر ثوابه كبيييييييييير اوى عند ربنا

وخلى بالكم ان لو لا قدر الله وقعنا فى معصيه ماينفعش نقول

خلاص انا مانفعش , انا مفيش منى فايده , انا ماقدرش

لازم تفكر فى حكمه ربنا من الذنب اللى وقعت فيه وتذكر انه

ممكن تكون دى مره تقع فى الذنب ده
او
ممكن يكون ربنا عايزك تتوب بعد ما تعمل شويه ذنوب علشان يبدلهملك حسنات فيتجمعوا على حسناتك الاصليه فتوصل للدرجه اللى ربنا اراد لك انك تكون فيها
و
اوعى الكلام ده يفتح لينا باب المعصيه

وافتكر الكلمه دى كويس اوى
اروا الله من قلوبكم خيرا ........ يؤتكم خيرا

انا بجد نفسى الدنيا كلها تقر الموضوع ده _

موضوع هايل يا سمسم
ربنا يجزيكي خيرا ان شاء الله

واياك نورت الموضوع

بجد يا سمسم انا بشاركك فى امنيتك ونفسى كل الناس تقرا الموضوع ده
فى ناس كتير اوى الشيطان بيصورلها انها خلاص ضاعت
ربنا يهديهم ويهدينا

جميل اوى الموضوع برافووووووووووووووووووووووووووووووووووووووو