بعض أنواع بنات النت

عنوان غريب ملفت للنظر شدني قولت أحطة واعرف اية رايكم فية

تعالو نشوف اية ومين هما البنات عالنت

1- فى بنت بتكون عايزة تعمل دلوعه ورقيوقة

ودى تلاقيها حاطة دايما صور دباديب واطفال وصور كارتون زى باربى وغيرها
ودايما تكتب بألوان هادية وجذابة " وردى والاحمر "
وتلاقيها دايما بتتنقل من موضوع لموضوع كل 3 ثوانى علشان اسمها يتنشر فى السايت
واذا دخلت موضوع لولد وكان موضوع مرعب ولا حاجه
تلاقى طالع منها ردود عسلية خالص
اهئ اهئ اهئ
واااااااااء وااااااء
الحقينى يامامتى
تعالى خدينى ياماما
دا انا مش هيجينى نوم النهاردة
اهئ اهئ اهئ ياقاسى
وعاملة فيها بنت ناس اوى

2- النوع التانى اللى من البنات هي بتعمل عيانة:
تلاقيها داخلة كل موضوع بالوباء كدا
يااااااااااااااااااااااااا

اااااااااى انا تعبانه اوى وعندى برد فظيع فظيع
مش قادرة اخد نفسى ،، هموووووووووت ياناس
اهئ اهئ مش عايزة اروح مستشفى انا مش بحب الحقنه
اهئ اهئ اهئ
وبعدين تبطل عياط وتدخل علينا بالكحه
كح كح كــــــــح
ودى بقى مش بتسيب حد فى السايت الا وبيعرف انها عيانة
بتنتشر فى جميع انحاء السايت علشان الكل يعرف انها عيانة
وفاكرة نفسها خفة بقى وبتستعطف الى قدامها بالكحه
ايه الخفة اللى بالشكل دا

3- فى النوع التالت بقى اللى هو المثقف:
وياااااااااسلام بقى لو كانت جامعية ولا حاجه
تفضل تحكى عن الكلية بتاعتها وتقولك انا انا وانا
وعندى ايكسام بكرة وماليش مزاج أذاكر والأسبوع الجاى عندى ميدتيرم وبكرة عندى كويز
وطبعا الشباب هنا بقى يخفف عنها شوية شوية ويقؤم بدوره

وياسلام لو ميعاد الايكسام قرب تجرى تعمل توبيك طويل عريض وتقؤلك عندى ايكسام بكرة يا جماعة دعواتكم بقى ليا
قأل يعنى محدش فى البلد كلها بيمتحن غير المحروسة بسلامتها
وهي اساسا تلاقيها واخدة دبلوم ومتلقحه فى البيت

4- النوووع الروش:
دا بقى نوع تلاقيه اشترك فى جروب النهاردة مثلا
فى يومين تلاقيها 3000 زيارة من اعضاء
لها فى التوبيك الواحد 400 رد
حد يقولها شكرا تقولة العفو ياحياتى
وياسلام بقى لو موضوع كاتبة مشرف ولا حاجه
ياسلام عالفن وياسلام عالابداع بس حضرتك فى حاجه صغنونه مش فهماها
ممكن تراسلنى عالايميل علشان استفيد من علمك شوية
ودى تلاقي الرسايل الخاصة عندها قد كده
وتمسك الاعضاء تترسم قدامهم انها مصاحبة المشرف الفلانى
وتترسم عالمشرفين انها بنت عم المشرف العام الفلانى
وفى الاخر تلاقيها عاملة نفسها اخت صاحب السايت
ولو حد جه فى موضوع وقالها يابت بس تلاقيها راحت عملت توبيكات بالعبيط وتقول انا هسيب السايت
انا هنتحر ،، وهرمى نفسى من فوق السطوح
وتلم الناس كلها حواليها ولو تقدر تجيب الناس اللى فى المواقع الى جنبنا كمان هتعملها
فى بقى النوع الاليط
تعمل فيها البنوته المدللة الدلوعه
اذا دخلت موضوع عن الطبيخ تقولك تسلم ايدك بس انا مليش دعوة بالحاجات دى ،، عندنا 3 طباخين هما اللى بيعملوا كل حاجه
وهي اساسا تلاقيها ايديها وارمه من غسيل الصحون ويمكن عربيات كمان
وياسلام لو دخلت موضوع عن اماكن سياحية ولا حاجه
اول ما تدخل تقولك
اوووووووووووووووووووووووه واو دا نفس المكان الى بروحه انا ودادى كل صيف
واحنا اساسا عندنا محلات وشركات وعقارات هناك ،،
وهيا اساسا اخرها Giza Zoo دا اذا ابن الجيران رضى عنها وخدها يفسحها هناك
والنوع دا بقى لو اتكلمت قدامه عن المحلات والمولات وكدا
تقولك
انا اساسا الساعات اللى عندها كلها من نفس الماركه دى والمكياج بتاعى مش
بشترية الا من المحل دا والمصمم اللى بصمم عنده بيجاماتى وجلبياتى
وفساتينى ..... الخ الخ

هو مفيش حاجه حلوه خالص
ولا حتى عجوه

وطب وفين النوع الحلو بقى ولا كل البنات اللى بيقعدوا على النت
منحصرين فى دول بس ثانيا ايه حكاية صور الاطفال والدباديب مش شرط يعنى

اولا شكرا علي متابعتكو للموضوع يا روني و رضوي
ثانيا انا كاتب بعض انواع البنات
مقلتش كلهم
اقرو عنوان الموضوع الاول يا ريييت كويس